Fervoyala transportado

Fer(o)voyala transportado esas transporto-moyeno qua uzas vehili kun roti qui kuras sur treki ordinare konsistanta ek du paralela stala reli. Ferovoyala transporto esas un ek la du primara formi di transporti sur lando, l'altra esanta choseala transportado.

Treno transportanta pasajeri en Suedia.

Treno tiranta varovagoni kun minerali en Baiyin, Popul-Republiko Chinia.

Ordinare, ferovoyo uzesas por transportar 8% de la tota pasajeri e vari en la mondo. Ol esas plu efikiva en konsumo di energio, posibligas transportar plu multa quanti di vari kam kamioni, o plu multa pasajeri kam autobusi, e povas mem esar plu rapida kam la transporto per choseo. Ferovoyala transportado esas parto di logistikala kateno, faciliganta internaciona komerco ed ekonomiala kresko en la maxim multa landi.

Treni provizita kun metala roti movas su kun min fricionala rezisto kande komparita a choseala vehili. Altralatere, lokomotivi ed automotori kustume dependas di kontakto-punto di roto kun relo por traciono ed adhero. L'unesma ferovoyi inauguresis dum la 19ma yarcento ed uzis treni kun lokomotivi propulsita per vaporo. Pose aparis lokomotivi propulsita per dizelo-motori, elektro-motori, o gaso-turbini.