Wagner-grupo

Wagner-grupo o Grupo Wagner (Ruse Группа Вагнера / Gruppa Vagnera) esas privat armeala firmo relatant ad inform-kontoro di Rusia.

Standardo kun emblemo dil Wagnerani.

Nomo devenas de kompozisto Richard Wagner e samatempe pseudonimo di chefo dil firmo – Dmitri Utkin (mortis en 2023), ed ol fondesis en 2014.

La Wagner-grupo ofertis servii di sua mercenarii en multa loki en la mondo, ube situaciono politikala ne esis stabila, precipue en Afrika e Proxim Oriento, i.a. la grupo defensis Sirian oleodukti kontre Islamala Stato.

La grupo agis legale pro ne preciza punto en internaciona legaro segun qua on ne savas ka laboranto teknikalka che armeal aparati esas ja mercenario.

Influo di Kremlin (Rusa Ministerio di Defenso) al Wagnerani duktanta dal entraprezisto Yevgeni Prigojin finigis ye la 23-24ma di junio 2023, kande eventis rebelajo dil grupo kontre Rusian armeo pro ataki l'armo al grupo. Wagnerani konquestis Rostov-na-Donu ed iris a Moskva. Paco-negocianto divenis prezidanto di Bielorusia – Aliaxandr Lukashenka.