Harda disko

Harda disko (Angle hard disk drive - HDD) esas elektromekanikala aparato qua uzas un o plusa magnetala pladi por konservar komputera arkivi. La magnetala pladi rotacas, e l'informi e/o programi enrejistresas en li tra magnetala kapi de la harda disko. La nomo "harda disko" kreesis por diferar li de la magnetala cilindro e la magnetala rubando uzita kun la sama skopo en l'unesma elektronikala komputeri, e de la magnetala disketi, qui esis flexebla. Ultre magnetala pladi e magnetala kapi, harda diski havas elektronikala cirkuiti qui permisas la komuniko inter la harda disko e la chefplako, tra kabli IDE, PATA, SATA, USB o SAS.