Helenos (filiulo di Priamos)

Helenos en Greka mitologio esis filiulo di Priamos e Hekabe – reji di Troya.

Helenos esis fratulo di Polixene, Hektor, Paris e Deifobos, e jemela fratulo di Kasandra. Il esis favoratulo di Apollon, donis del Olimpano ivora armoarko per qua vundis Ahileus.

Helenos predicadis futuro, interaltre pri futura problemi konseque amorala relato inter Paris e Helena.

Komence di Troya-milito il bataliis kune kun Hektor, e pos ilua mortigo Helenos ipse duktis Troyani. Segun ilua predico nur esanto di Neoptolemos (filiulo di Ahileus) e Filoktetes kun Heraklesal armoarko povis lasar vinkar Troya. Greki saveskis ke Helenos konocas la kondicioni, e Odiseus kidnapis il. La divinero revelis omno, e mem inventis maniero di vinkar Troya – Troyana kavalo. Filoktetes mortigis Paris, e Greki vinkis l'urbo. Ilua trahizala kunlaboro donis ad il vivo e libereso pos falo di Troya.

Pos la milito Neoptolemos prenis il kun su ad Epirus. Ibe Helenos fondis urbo Butroton. Kande la filiulo di Ahileus foriris Epirus Helenos protektis ilua sklavino Andromahe kun kun ilia tri filiuli. Kun Andromahe havis fuliulo Kestrinos. En un ek miti Andromahe esis ilua spozino, ed en l'altra – Deidameya (matro di Neoptolemos).

Kande Eneyas esis en Butroton, Helenos predicis ke il fondis Roma.