Iliado

Iliado (Anciena Grekiana: Ἰλιάς) da Homeros esas Grekiana epikajo e la maxim anciena poemo di l'Europana literaturo. La precipua temo esas l'iraco da Ahileus e naracas l'eventi di l'ultima 51 dii dum la deka yaro pos Troya-milito.

Iliado
Unesma versi di l'Iliado Grekiane.
Originala titulo Ἰλιάς Autoro Homeros Lando Grekia Linguo Grekiana Jenro Poemo Sequita da Etiopido

Datumo

La dato di lua kompozado esas kontroversala: la memoritala opiniono situigas ol en la duesma duimo di 8ma yarcento aK., ma esas studiisti qua pretendas situar lo en 6ma yarcento aK., dum ke altri defensas que kelka parti di poemo devas esar antee, quale la katalogo di navi di libro 2.

La majoritato di kritiko anke opinionas ke la libro 10, esas tarda interpolo, nam ne havas relato kun la resto di poemo. Ula studiisti, defensas olua autentikeso.

Argumento

Kantez, deino, l'iraco di Ahileus, filio di Peleus, (funesta! qua tanta dolori produktis al Greki e tanta anmi brava di heroi lansis ad Aides, Igante lia korpi kaptajo di hundi ed uceli Raptera, dum exekuteso dil volo da Zeus), De kande unesme interseparis pro disputo Atreides, rejo di homi, ed Ahileus deala.

La poemo naracas l'iraco di Ahileus, filio dil rejulo Peleus, olua kauzo, lua longa durado, lua konsequi e lua posa chanjo di atitudo. L'iraco di Ahileus finas kun la poemo, kande rikoncilias kun Priamos, patro di Hektor, kande ceremonias ilua funero.

Ahileus ed Patroklos, 5ma yarcento aK., Antikensammlung (Berlin)

Kanto 1: Pesto e kolero

Pos non yari di milito inter Akaiani e Troyani, pesto aparas en Akaiana kampado. La divinisto Kalkas, konsultita pri to, divinas ke la pesto ne cesos til ke Kriseis, sklavino da Agamemnon, esez riturnata a lua patro Krisès. La kolero di Ahileus originis pro insulto da Agamemnon, qua pose cedar Kriseis, ravisas Brisèis ad Ahileus. Pose to, Ahileus lasas la kombato, ed asekuras ke nun riturnos kande la Troyana fairo atingos lua propra navi. Ol pregas ad ilua matro Tetis, ke el konvinkez Zeus por ke il helpez al Troyani. Il aceptas, nam Tetis helpis ad il kando lua fratuli revoltis kontre il.

Personi

Akaiani

• Ahileus – filio dil rejulo Peleus e Tetis, rejulo dil Mirmidoni
• Patroklos – kompano di Ahileus.
• Agamemnon – rejulo di Mikeno
• Ayas la Granda – rejulo di Salamis
• Menelaos – rejulo di Sparta e frato di Agamemnon
• Helena – spozino di Menelaos, rejulo di Sparta
• Odiseus – rejulo di Itaka
• Nestor – rejulo di Pilos.
• Ayas la Mikra – rejidulo di Lokrida
• Diomedes – filiulo di Tideus, rejulo di Argos

Troyani

• Priamos – patro di Hektor, rejulo di Troya
• Hekabe – spozino di Priamos
• Hektor – filiulo di Priamos
• Paris – filiulo di Priamos
• Kasandra – filiino di Priamos
• Andromahe – spozino di Hektor
• Eneyas – filiulo di Ankises, rejido di Troya

Olimpiani

• Zeus – chefa deo de la Greka mitologio
• Hera – filiino di Rea e Kronos, fratino di Zeus
• Apollon – filiulo di Zeus e Leto
• Atena – filiino di Zeus, protektero di Greka urbi Atina
• Afrodite – filiino di Zeus
• Tetis – matro di Ahileus
• Hermes – filio di Zeus.
• Poseidon – frato di Zeus, filiulo di Kronos e Rea

Extera ligili

• Verko tradukita aden Ido da Jean Martignon