Imperio Azteka

L'imperio Azteka rezultis del uniono di tri urbi-stati (Altepetl) de la populo Nahua: Tenochtitlán, Texcoco e Tlacopan. Ca tri urbi-stati guvernis la valo di Mexiko de 1428 til ke Hispana conquistador Hernán Cortés vinkis li en 1521. Pos lua formaco, ca federuro expansis sua teritorio rapide per militi kontre vicina stati. Dum lua apogeo, ol kontrolis preske komplete la nuna centrala porciono di Mexikia, ed anke zoni plu distanta, exemple l'exklavo Xoconochco (nune Soconusco) an la nuna stato Chiapas, proxim la frontiero kun Guatemala.