Kafeo

Kafeo esas grano ek arboreto (kafeiero), sempre verda, ek Arabia, di qua la frukto esas grosa quale cerizo e konsistas ye shelo qua envelopas pulpo mucilajatra qua ipsa cirkondas du alveoli un-grana^[1]. Ta grano, torefaktita, muelita ed infuzita, donas drinkajo agreabla, acitiva e toniziva.

Infuzuro ek kafeo-grani torefaktita e muelita.

Ramo de kafeiero kun frukti.

La propraji stimuliva di kafeo-infuzuro esas pro la quanto dil alkaloido kafeino, cirkume 2%. On povas traktar la grani por obtenar kafeo deskafeinita.

Existas du speci di planto di kafeo: Arabika (Coffea Arabica) e Robusta (Coffea Robusta) e subvarietati definita segun la grandeso dil grano, la altitudo ube la kafeiero kultivesas, edc., exemple "Moka", "Kenya AA", "Kona" de Havayi, edc.