Kastilia e Leon

Kastilia e Leon esas autonoma regiono di Hispania. Segun statistiki de 2024, ol havis 2 391 682 habitanti. Lua tota surfaco esas 94 226 km².

Castilla y León Regiono di Hispania Chefurbo Ne havas Surfaco 94 226 km² Habitanti Denseso di habitantaro 2 391 682 (2024) 25.42 hab./km² Prezidanto regionala Alfonso Fernández Mañueco(PP) Horala zono UTC+01:00 (UTC+02:00 dum somero) Reto http://www.jcyl.es www.jcyl.es

Bazala fakti pri Kastilia e Leon.

Historio

Kreita en 1983, la regiono formacesas per l'anciena teritorii di rejii Kastilia e Leon. La regiono habitesas de la prehistorio. Che montareto Atapuerca, trovesis restaji de Homo antecessor e de Homo heidelbergensis, qui vivis cirkume 900 mil e 600 mil yari ante nun, rispektive. La regiono habitesis da Kelti e pose da Romani.

Geografio

Kastilia e Leon esas senlitora autonoma regiono an la nord-westo di Iberia. Lua teritorio vicinesas norde kun Asturia e Kantabria ultre Baskia (Bizkaia e Alava); este kun La Rioja e Aragon (provinco Zaragoza), sude kun l'Autonoma regiono Madrid, Kastilia-La Mancha (provinci Toledo e Guadalajara) ed Extremadura (provinco Cáceres) e weste kun Galisia (provincii Lugo ed Ourense) e Portugal).

La reliefo di la regiono esas grandaparte montoza, trairata da montaro Meseta, qua en multa arei esas alta planajo kun mezavalora altitudo di 800 metri. Fluvio Durio naskas che provinco Soria e trairas la teritorio di Kastilia e Leon, formacanta granda valo.

La klimato di la regiono esas mediteranea, kun influi kontinentala (Csa, segun la klimatala klasifikuro da Köppen, kun sika e varma someri e relate kolda vintri, pro lua grand altitudo e disto del oceano. La mezavalora temperaturi varias de 19° til 22 °C en julio, e 3°C til 6°C en januaro. La maxim pluvoza regiono esas Leon, qua recevas 556 mm omnayare. En regioni montoza, la klimato esas temperema kolda, kun temperaturi infre 3°C dum vintro.

Ekonomio

En 2019, terciara sektoro (komerco, turismo ed altra servadi) reprezentis 70,2% de la totala produkturo regionala, kontre ke sekundara sektoro (industrio, minado) reprezentis 25,9%, ed agrokultivo reprezentis 4%. La regiono havas multa historiala loki, ed anke atraktas viziteri dum vintro por praktikar vintrala sporti, exemple en La Covatilla e La Pinilla.

Cetera aferi

Kolokado en eduko en Kastilia e Leon superiras la mezavaloro de Hispania. Pro to, Kastilia e Leon esas un ek la regioni di Hispania kun min akademiala nesuceso, nur 16,94% dum l'akademiala yaro 2010-2011.