Kosmodromo Baikonur

Kosmodromo Baikonur fondesis en 1955 kom Rusa centro por lansar kosmala flugi en Kazakstan (provinco Qızılorda). Ol esas la maxim anciena e la maxim granda kosmodromo en la mondo. Ordinare ol servas kom lanso-loko por kosmonavi. Entote ol havas 0,57 km. La kosmodromo existos til 2050 en Kazakstan, segun kontrato interlandala Rusia–Kazakstan. Rusi pagas 115 milion rubli omnayare por uzar ol.

La kosmodromo sur posto-marko.

Proxim la kosmodromo konstruktesis kolonieto por laboristi di ol. La loko nomis ad 1958 Zarya, en yari 1958-1969 Leninski, en 1969-1995 – Leninsk (ja kom urbo). En 1995 onu chanjis la nomo por Baýqoñır (ruse Baikonur – quale la kosmodromo).

Maxim importanta eventi

• 1957 – lansado dil unesma artificala satelito, Sputnik 1
• 1957 – lansado di Sputnik 2 kun hundino Laika (fakte Kudryavka)
• 1959 – lansado di unesma sondilo (Luna 2) qua atingis la Luno
• 1961 – lansado di Vostok 1, kun Yuri Gagarin (unesma homo en kosmo)
• 1961 – lansado di Vostok 2, kun German Titov (unesma homo en kosmo plu kam 24 hori)
• 1963 – lansado di Vostok 6, kun Valentina Tereshkova (unesma muliero en kosmo)