Maria Callas

Maria Callas (n. Maria Anna Cecilia Sofia Kalogeropoulos ye la 2ma di decembro 1923 til la 16ma di septembro 1977) esis Usana-Grekiana opero-kantistino.

Maria Callas
Profesiono:	kantistino


Lando:	Grekia ed Usa
Naskodato:	2 di decembro 1923
Nasko-loko:	New York, Usa
Mortodato:	16 di septembro 1977
Morto-loko:	Paris, Francia
Retoloko:	https://www.maria-callas.com/en/

El naskis en 1923 en la urbo New York. Elua genitori venis de Grekia. Elua operala kariero komencis en Grekia en 1941, e duris en ta lando til 1945, e pose en Italia ed altra loki. Elua maxim bone konocata rolo esis la titulo-rolo en la opero Norma da Vincenzo Bellini.

El aparis lasta-foye en opero ye la 5ma di julio 1965 en Tosca, da Giacomo Puccini, ye la Royal Opera House en London. Pos 1965 el docis e koncertis. Dum la lasta yari el rezidis en Paris, ube el mortis en 1977.