Merkurdio

Merkurdio esas la dio di la semano pos mardio ed ante jovdio. L'origino di la vorto esas latina Mercurii díes, o dio di Merkuro. Merkuro, por Romani, esis la deo di komerco e di voyajeri. En altra latinida lingui la nomo di ta dio esas simila. Videz:

Linguo	nomo dil dio
Hispaniana	miércoles
Kataluniana	dimecres
Galisiana	mércures
Franciana	mercredi
Italiana	mercoledì
Latina	díes mercurii
Rumaniana	miercuri

Merkuro, deo di komerco e voyajeri, por Romani.

En Angliana Wednesday originis de mid-Angliana Wednesdei, "dio di Wōdanaz", proto-Germana vorto por Odin. En Norvegiana, Daniana e Suediana Onsdag signifikas "dio di Odin". En Islandana Miðvikudagur, en Chekiana středa od en Germaniana Mittwoch, signifikas "dio en mezo di semano".

Katolika fidelo kun kruco di cindri en kapo.

Wikipedio

Wikivortaro explikas
ca rubriko
en altra lingui: Merkurdio

Por katolikismo cindro-merkurdio esas unesma merkurdio pos karnavalo, konsiderata un dio por penitenci por ecesi e peki, e markizas la komenco di karesmo. En ta dio, fieli iras a kirki e recevas un kruco di cindri en lua kapi, por rimemorigar ke vivo esas transitora. Ol esas fastodio por katoliki, ma por Ortodoxa kristani la dii di penitenci komencas ja en lundio