Pakto Ribbentrop-Molotov

Ribbentrop-Molotov, o Molotov-Ribbentrop pakto esis pakto pri ne-atako signatita en Moskva, Soviet-Uniono, da Joachim von Ribbentrop (lora ministro pri exteral aferi de Naziista Germania) e Vyacheslav Molotov (lora ministro pri exteral aferi de Soviet-Uniono) ye la 23ma di agosto 1939.

Sovietiana ministro pri exterlandal aferi Vyacheslav Molotov e Joachim von Ribbentrop signatas pakto pri ne-atako.

Oficale, ol esis pakto pri ne-atako inter nacional-socialista Germania e komunista Soviet-Uniono. Tamen, ol inkluzis sekreta suplementala klauzi per qui Finlando, Estonia, Latvia, Lituania, Polonia e Romania separesis inter Germana e Sovietiana "influo-sferi". Estonia, Latvia, Finlando e, pose adjuntita, Lituania apartenus a Soviet-Uniono, Romania apartenus a Germania, e Polona teritorio dividesus en du parti: la westala parto enkorpigesus da Germania, kontre ke l'estala parto enkorpigesus da Soviet-Uniono.

Pos ke la pakto establisesis, Naziista Germania invadis Polonia, ye la 1ma di septembro 1939. Ye la 17ma di septembro sam yaro, 1 dio pos ke pafoceso inter Japonian imperio e Soviet-Uniono signatesis, Iosif Stalin imperis l'invado dil esto di Polonia. Pos ca invado, la frontieri inter la du povi konfirmesis segun suplementa protokolo de la pakto.

Soviet-Uniono invadis du provínci di Rumania – Besarabia segun interkonsento ma anke Bukovina ed Oltenia.

Videz anke:

• Anexo di Estonia a Soviet-Uniono