Pirateso

Pirateso esas furto exekutita en maro od anke en lando, da un persono o grupo sen procuraco di ula suverena stato (lor korsaro).

anke videz: dijital pirateso.

Flago di pirato Jack Rackham (konocita kom Calico Jack).

L'unesma dokumenti qui mencionis ataki di pirati datizas de la 13ma yarcento aK. Grekiani mencionis ataki di pirati en Egeo. Dum la Mezepoko, Vikingi atakis la nuna Anglia ed Europana kontinento, til Italia sude Rusia este.

Pirati en Karibia

Grupo di pirati komandita da Bartholomew Roberts.

En Karibia, la periodo di klasika pirateso esis de aproxime 1560 til 1760, e sua periodo di maxim suceso esis de 1640 til 1680. Kelka famoza pirati de Karibia esis Edward Teach (konocita kom "Nigra Barbo"), Francis Drake, Henry Morgan, William Kidd, Bartholomew Roberts, ed altri. Kelka pirati uzis l' insulo Tortuga kom bazo por operaci.

Moderna pirateso

Moderna pirateso uzas bateleti por atakar granda navi en maro od anke en portui por furtar valoroza produkti. Ordinare, grupeti kun 4 til 10 personi atakas un batelo, ma grupi kun 70 personi en plua kam un bateleto povas atakar granda navi. La stretajo di Malaka e la litoro di Somalia moderne konocita regioni di ataki di pirati.