Populo Yanomami

Le Yanomami esas grupo di cirkume 35 mil aborijeni qui vivas en cirkume 200 til 250 vilaji en Amazoniana foresto, inter Venezuela e Brazilia. Li ne agnoskas su kom unionita populo, vice kom individui asociita ad irga tribuo. Li havas ligili kun le Karib qui vivas apud fluvio Orinoco.

Muliero Yanomami kun infanto.

Aeral imajo pri konstrukturi da Yanomami.

Por l'Yanomami, l'autoritato politikala e religiala apartenas ad olda viri. Chefi ganas autoritato montranta habilesi por solvar konflikti interne tribui ed anke kun vicina tribui. Ordinare bezonesas konsento inter l'oldi por agadi qui afektas la komunitato, tamen la partopreno di la tota individui ne esas bezonata.

Existas quar varianti di la lingui dil Yanomami: Ninam, Sanumá, Waiká, ed Yanomamö. Multa lokala dialekti ank existas. L'origino di la linguo Yanomami esas neklara, tamen kelka linguisti judikas ke ol apartenas a tale nomizita "grupo Makro-Jê".