Rhenlando-Palatenio

Rhenlando-Palatenio esas un ek la 16 stati di Germania, jacanta sud-weste de la lando. Segun statistiki por 2019, ol havis 4 093 903 habitanti. Lua tota surfaco esas 19 854,21 km².

Rhenlando-Palatenio Rheinland-Pfalz (Germana) Stato di Germania Parlamento regionala di Rhenlando-Palatenio, en Mainz. Chefurbo Mainz Maxim granda urbo Mainz Surfaco 19 854,21 km² Habitanti Denseso di habitantaro 4 093 903 (2019) 206 hab./km² Ministro-prezidanto Alexander Schweitzer (SPD) Fondita o kreita 30ma di agosto 1946 Horala zono UTC+1 (UTC+2 dum somero) TNP (yaro) EUR 162,22 miliardi (2021) Reto www.rlp.de/

Historio

Dum prehistorio la nuna teritorio di Rhenlando-Palatenio habitesis dal Homo neanderthalensis, quale montras petra hakili trovita en Kirchheimbolanden, Lauterecken e Leinsweiler, de plua kam 200 mil yari ante nun. Ante 1000 aK, Kelti establisis su en la regiono, nome tribui Treveri, Mediomatrici, Nemeti e Vangioni. En 55 aK, dum tale nomizita "Galiana militi", Iulius Caesar konquestis la sinistra rivo di Rheno e teritorii an la dextra rivo. Il imperis la konstrukto di ponti proxim nuna urbi Neuwied ed Urmitz. Inter altri, Romani fondis Antunnacum (Andernach), Bingiun (Bingen), Mogontiacum (Mainz), ed Augusta Treverorum (Trier). Li anke konstruktis chosei, e la regiono apartenis a 3 Romana provinci: Germania superior, Germania inferior e Gallia Belgica.

Sub preso da Germana tribui, Romani abandonis la dextra rivo di Rheno dum la 3ma yarcento. En 406, Germana tribui trairis Rheno dum tale nomizita "granda migrado" e spoliis diversa urbi Romana.

Rhenlando-Palatenio ofte deskriptesas kom "artificala regiono", nam ol ne originis de singla lando olim existanta. Ol formacesis ye la 30ma di agosto 1946, per unionigo di la sudala parto dil Prusiana Rheno-provinco kun la Bavariana distrikto Palatenio e westala parti di Hesia quale Rheno-Hesia.

Geografio

Ekonomio