Savannakhet
From Wikipedia, the free encyclopedia
Remove ads
Savannakhet, oficale nomizita Kaysone Phomvihane depos 2005, esas la 2ma maxim populoza urbo di Laos. Segun statistiki dil yaro 2018, ol havis 125 760 habitanti.
| Savannakhet | ||
 | ||
| Strado en Savannakhet. | ||
| Lando: |  Laos | |
Informo: | ||
| Latitudo: | 16°33'N | |
| Longitudo: | 104°45'E | |
| Altitudo: | 144 m | |
| Habitanti: | 125 760 (2018) | |
| Horala zono: | UTC+7 | |
 • Savannakhet | ||
Malgre ke lua anciena koloniala quartero Franca esas dekadanta, lua proximeso kun Tailando stimulis l'expanso di nova komercala edifici norde del urbo. Lua habitantaro esas mixuro de Laosani, Tailandani, Chiniani e Vietnamani.
Remove ads
Geografio
La reliefo di Savannakhet esas plana, jacanta alonge fluvio Mekong, avan la provinco Mukdahan, en Tailando. Lua mezavalora altitudo esas 144 metri.
La klimato dil urbo esas tropikala de savano (Aw segun la klimatala klasifikuro da Köppen), influata da musono. La mezavalora temperaturo en aprilo (printempo) esas 29,5°C, kontre ke la mezavalora temperaturo en decembro (vintro) esas 21,7°C.
La pluvoza sezono iras del fino di mayo til la duimo di oktobro. La mezavalora yarala pluvo-quanto esas 1588,7 mm, e la maxim pluvoza monato esas agosto, kun mezavalore 323,1 mm. La maxim sika monato esas decembro, kande falas entote 2 milimetri de pluvi.
Remove ads
Wikiwand - on
Seamless Wikipedia browsing. On steroids.
Remove ads