Táchira

Táchira esas esas stato di Venezuela, jacanta weste de la lando, che regiono Andiana, apud la frontiero kun Kolumbia. Segun statistiki de 2021, ol havis 1 376 292 habitanti. Lua tota surfaco esas 11 100 km².

Táchira Stato di Venezuela Nacionala parko Generalo Juan Pablo Peñaloza Chefurbo San Cristóbal Maxim granda urbo San Cristóbal Oficala linguo o lingui: Hispana Surfaco 11 100 km² Habitanti Denseso di habitantaro 1 376 292 (2021) 123,99 hab./km² Guvernisto Freddy Bernal (PSUV) Posto-kodexo abreviuro 5001 a 5067 Horala zono UTC-4 TNP (yaro) US$ 12 245 milioni (2004) Reto www.tachira.gob.ve

Geografio

Monto El Púlpito.

Andi trairas la stato desude adnordweste. La montaro dividas la stato en tri regioni, singla ek li kun diferanta klimati.

En la montoza regiono jacas la precipua urbi dil stato, e lua klimato esas moderema kun influi del altitudo en la maxim multa arei, e kun kolda stepo en regioni super 3 mil metri di altitudo. En ta zono, la pluvoza sezono iras de mayo til oktobro. La reliefo esas montoza, kun diversa riveri qui formacas vali en la bazo di la monti. La chef-urbo San Cristóbal ed altra importanta urbi jacas en ta regiono. Ibe jacas monto El Púlpito, la maxim alta dil stato, kun 3942 metri di altitudo, che Nacionala parko Generalo Juan Pablo Peñaloza.

La regiono konocata Hispane kom Circuito panamericano havas klimato tropikala de humida foresti, quale regioni vicina a lago Maracaibo. La pluvo-quanto en ta zono esas granda, e la mezavalora temperaturi esas alta.

Sud-weste del stato existas zono kovrata da savano, an la frontiero kun stati Apure e Barinas. Ta zono esas min humida kam circuito panamericano, e lua klimato esas tropikala de savano.