Tropikala ciklono

Tropikala ciklono esas ciklono de relative mikra formato ma kun omno-destruktanta vento e tre granda pluvo-quanto, qua eventas exkluzive super la tropikal oceani. Tropikala cikloni kustumale iras del esto a westo e kommencas super l'oceani kun suficanta maraquala temperaturo (plu varma kam 27 gradi Celsio). Oli nutresas dal energio liberigata dum kondensesko dil aquovaporo de la varma maraquo. En la mezo di tropikala ciklono maxim ofte trovesas 'okulo': tranquila regiono sen nubi.

Du tropikala cikloni, fotografita per Usana vetero-satelito. De amba cikloni klare videblesas la 'okulo'.