Tutanhamon

Tutanhamon (o Tutenkhamun, Tutenkhamen) ("Rejo Tut") esis faraono di antiqua Egiptia, qua regnis kurte de 1336 aK til 1327 aK.

Tutanhamon
{{{Originala_nomo}}}

Faraono di antiqua Egiptia
Guvernisteso:	1336 aK til 1327 aK
Precedanto:	Neferneferuaton
Sucedanto:	Ai
Personal informi
Naskodato:	1340 BC
Naskoloko:	Antiqua Egiptia
Mortodato:	1322 BC
Mortoloko:	Antiqua Egiptia
Spozo:	Ankesenamon

La tombeyo di Tutanhamon deskovresis dum arkeologiala exkavadi financale sustenata da George Herbert e facita da arkeologiisto Howard Carter.

Ye la 16ma di februaro 1923 la sepulto-chambro di Tutanhamon oficale apertesis, koram plura distingita gasti. Unesmafoye pos plu kam tri mil yari, la sarkofago di Tutankhamon esis videbla. L' Egiptiisto Howard Carter deskovrabis gradi duktanta a la sepulteyo, ye la 26ma di novembro 1922. Balde ilu trovis plura chambri di la tombo. Ne quale altra tombi, la kontenajo ne esis furtita en antiqua epoko. L'avanchambro kontenis multa objekti, inkluzanta la elementi di quar chari. La nura ornizita chambro esis la sepultochambro, en qua pikturi montris la rejo kun diversa dei. Quar orizita ligna santuarii cirkondis la sarkofago. Interne di la granita sarkofago esis tri sarki di diminutanta grandeso, e l'internala sarko esis ora e kontenis la kadavro di la rejulo.