![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e2/Ataque_bolsonarista_ao_Congresso_Nacional_do_Brasil.png/640px-Ataque_bolsonarista_ao_Congresso_Nacional_do_Brasil.png&w=640&q=50)
Árásin á Brasilíuþing 2023
From Wikipedia, the free encyclopedia
Þann 8. janúar árið 2023 gerði æstur múgur árás á byggingar brasilíska þingsins í höfuðborginni Brasilíu. Jafnframt var ráðist inn í brasilísku forsetahöllina og híbýli Hæstaréttar Brasilíu í borginni.
![Thumb image](http://upload.wikimedia.org/wikipedia/commons/thumb/e/e2/Ataque_bolsonarista_ao_Congresso_Nacional_do_Brasil.png/640px-Ataque_bolsonarista_ao_Congresso_Nacional_do_Brasil.png)
Árásirnar voru gerðar af stuðningsmönnum fyrrum forseta Brasilíu, Jairs Bolsonaro. Bolsonaro hafði tapað endurkjöri á móti Luiz Inácio Lula da Silva í forsetakosningum í október árið áður og Lula da Silva hafði tekið við forsetaembættinu þann 1. janúar 2023. Stuðningsmenn Bolsonaros höfðu safnast saman í höfuðborginni til að mótmæla nýrri stjórn Lula og krefjast þess að hann yrði leystur úr embætti og Bolsonaro gerður forseti á ný með hjálp hersins.
Atburðunum í Brasilíu hefur víða verið líkt við árásina á Bandaríkjaþing árið 2021, sem gerð var við svipaðar kringumstæður tveimur árum og tveimur dögum fyrr.[1]