Appelsínugula byltingin
Mótmæli í Úkraínu árin 2004 og 2005 / From Wikipedia, the free encyclopedia
Appelsínugula byltingin (úkraínska: Помаранчева революція; Pomarantsjeva revoljútsíja) er nafn á hrinu mótmæla sem áttu sér stað í Úkraínu frá nóvember 2004 til janúar 2005. Mótmælin beindust gegn niðurstöðu forsetakosninga Úkraínu árið 2004 þar sem Víktor Janúkovytsj var lýstur sigurvegari eftir aðra umferð þrátt fyrir ásakanir um stórfellt kosningasvindl. Appelsínugula byltingin leiddi til þess að önnur umferð kosninganna var endurtekin og að frambjóðandi stjórnarandstöðunnar, Víktor Júsjtsjenko, var kjörinn forseti.
Appelsínugula byltingin | |||||||
---|---|---|---|---|---|---|---|
Hluti af litabyltingunum | |||||||
Mótmælendur veifa appelsínugulum fánum á Sjálfstæðistorginu í Kænugarði þann 22. nóvember 2004. | |||||||
| |||||||
Leiðtogar | |||||||
Víktor Júsjtsjenko Júlía Tymosjenko |
Leoníd Kútsjma Víktor Medvedtsjúk Víktor Janúkovytsj | ||||||
Mannfall og tjón | |||||||
Einn maður lést úr hjartaáfalli[1] |
Appelsínugula byltingin er flokkuð með „litabyltingum“ sem áttu sér stað í nokkrum fyrrverandi sovétlýðveldum og annars staðar á fyrsta áratugi 21. aldar. Í flestum þessum byltingum var valdboðsstjórnum sem þóttu hliðhollar Rússlandi steypt af stóli og stjórnir myndaðar sem aðhylltust nánari samskipti við Vesturlönd. Rússnesk stjórnvöld halda því fram að þessar byltingar hafi verið sviðsettar eða skipulagðar af Bandaríkjunum.[2]