![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/06/1841_portrait_painting_of_Louis_Philippe_I_%2528King_of_the_French%2529_by_Winterhalter.jpg/640px-1841_portrait_painting_of_Louis_Philippe_I_%2528King_of_the_French%2529_by_Winterhalter.jpg&w=640&q=50)
Frakkakonungur
From Wikipedia, the free encyclopedia
Frakkakonungur var þjóðhöfðingi konungsríkisins Frakklands frá klofningi Frankaveldisins með Verdun-samningnum 843 fram að Frönsku byltingunni 1848, að undanskildu tímabili Fyrsta franska lýðveldisins, frá Frönsku byltingunni 1789 til endurreisnar konungdæmis árið 1814. Á tíma Fyrsta franska keisaraveldisins 1804-1814 og Annars franska keisaraveldisins 1852-1870 titlaði þjóðhöfðingi Frakklands sig Frakkakeisara.
![Thumb image](http://upload.wikimedia.org/wikipedia/commons/thumb/0/06/1841_portrait_painting_of_Louis_Philippe_I_%28King_of_the_French%29_by_Winterhalter.jpg/640px-1841_portrait_painting_of_Louis_Philippe_I_%28King_of_the_French%29_by_Winterhalter.jpg)
Fyrstu konungar Frakklands voru Karlungar en 987 tóku Kapetingar við þegar Húgó Kapet varð konungur eftir andlát Loðvíks 5. Fyrstur til að nota titilinn „Frakkakonungur“ í stað „Frankakonungur“ var Filippus 2. Frakkakonungur árið 1190. Árið 1328 tók yngri grein Kapetinga, Valois-ætt, við völdum og 1589 tóku Búrbónar (önnur grein Kapetinga) við. Þeim var steypt af stóli í Frönsku byltingunni 1789. Þeir komust aftur til valda um skamma stund þegar konungdæmi var endurreist í Frakklandi 1814 en hrökkluðust frá völdum í Júlíbyltingunni 1830. Síðasti maðurinn sem bar titilinn konungur Frakklands var Loðvík Filippus 1. af Orléans-ætt sem var kjörinn til valda en neyddist til að segja af sér í byltingunni 1848 þegar konungdæmið var aftur lagt niður. Eftir það hefur enginn verið formlega titlaður Frakkakonungur þótt nokkrir geri enn tilkall til krúnunnar.