![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a7/Versailles_Palace.jpg/640px-Versailles_Palace.jpg&w=640&q=50)
Franska þingið
From Wikipedia, the free encyclopedia
Franska þingið (franska: Parlement français) er þing Lýðveldisins Frakklands og samanstendur af tveimur þingdeildum: öldungadeildinni (Sénat) og þjóðþinginu (Assemblée nationale). Hvor deildanna heldur þing á eigin staðsetningu í París: öldungadeildin í Lúxemborgarhöll og þjóðþingið í Bourbon-höll. Þjóðþingið samanstendur af 577 þingmönnum sem eru kosnir á fimm ára fresti. Í öldungadeildinni sitja 348 þingmenn sem fulltrúar héraða og sveitarfélaga skipa í óbeinum kosningum á sex ára fresti. Þriðja hvert ár er þriðjungi öldungadeildarinnar skipt út.
![Thumb image](http://upload.wikimedia.org/wikipedia/commons/thumb/a/a7/Versailles_Palace.jpg/640px-Versailles_Palace.jpg)
Í hvorri deild gilda sérstakar reglur um aðgerðir og framkvæmd. Stundum koma deildirnar tvær saman sem Franska alþingið (Congrès du Parlement français) í Versalahöll þegar þarf að breyta stjórnarskránni.
![](http://upload.wikimedia.org/wikipedia/commons/thumb/5/5b/Society.svg/40px-Society.svg.png)