![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/ca/Charles_de_Gonzague.jpg/640px-Charles_de_Gonzague.jpg&w=640&q=50)
Kniplingasaumur
From Wikipedia, the free encyclopedia
Kniplingasaumur er útsaumsaðferð sem á rætur að rekja til Endurreisnartímabilsins og úr ítölsku saumgerðinni „reticella“. Á endurreisnartímanum breiddist hörrækt út í Evrópu, fólk fór að klæðast fötum úr líni og listiðnaður sem byggði á hörþræði þróaðist. Kniplingar voru unnir úr þannig þræði og voru bæði kniplaðir (bobbin made) og saumaðir (needle-made). Kniplingar eru svipaðir því sem núna er kallað blúndur en munurinn er sá að kniplingar voru handgerðir en blúndur eru oftast unnar í vélum. Helstu spor í kniplingasaumi eru tungu- og kapmelluspor.
![Thumb image](http://upload.wikimedia.org/wikipedia/commons/thumb/c/ca/Charles_de_Gonzague.jpg/640px-Charles_de_Gonzague.jpg)
![Thumb image](http://upload.wikimedia.org/wikipedia/commons/thumb/f/f2/NeedleLaceBorder_ErzgebirgeGermany1884.jpg/640px-NeedleLaceBorder_ErzgebirgeGermany1884.jpg)
![Thumb image](http://upload.wikimedia.org/wikipedia/commons/thumb/2/22/Carolus_-Private_Collection_-_detail_naaldkant.jpg/640px-Carolus_-Private_Collection_-_detail_naaldkant.jpg)
Á tímabilinu 1560–1580 urðu kniplingar tískufatnaður hjá yfirstétt í flestum ríkjum Evrópu. Höfuðeinkenni kniplingatísku frá fyrri hluta 16. aldar og fram á 17. öld voru skrautlegir kragar, felldir pípukragar oft skreyttir fíngerðum kniplingum. Franskir og enskir karlmenn báru stóra ferhyrnda kraga með saumuðum kniplingum.