Kvennasáttmáli Sameinuðu þjóðanna
From Wikipedia, the free encyclopedia
Samningur Sameinuðu þjóðanna um afnám allrar mismununar gagnvart konum (skammstafað CEDAW sem stendur fyrir Convention on the Elimination of All Forms of Discrimination Against Women), eða Kvennasáttmáli Sameinuðu þjóðanna í daglegu tali, er alþjóðlegur sáttmáli um réttindi kvenna sem var samþykktur árið 1979. Í dag eru 189 ríki aðilar að honum. Hann var undirritaður af íslenskum stjórnvöldum árið 1980 en gekk ekki í gildi á Íslandi fyrr en árið 1985. Kvennasáttmálinn er í sex hlutum og samanstendur af 36 greinum. Hann var gerður að fyrirmynd Alþjóðasamnings um afnám alls kynþáttamisréttis. Bandaríkin og Palau eru einu tvö löndin sem hafa skrifað undir en ekki lögfest samninginn.