![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fb/Map_of_Iceland_highlands-en.svg/langis-640px-Map_of_Iceland_highlands-en.svg.png&w=640&q=50)
Miðhálendið
From Wikipedia, the free encyclopedia
Miðhálendið er óbyggt hálendi í yfir 500 metra hæð sem nær yfir stærstan hluta Íslands inni í landi og sem að jafnaði hentar ekki til búsetu vegna kulda og/eða skorts á jarðvegi. Að öðru leyti er náttúra þessa svæðis fjölbreytt. Á þessu svæði er t.d. að finna eldfjöll, hveri, hraun, ýmsar jarðmyndanir, sanda, jökla, ár, stöðuvötn og gróðurvinjar. Stór hluti hálendisins er á gosbeltinu, þ.e. eldvirku svæði. Hálendið samanstendur að miklu leyti af þjóðlendum og er íslenska ríkið með eignarétt af þeim.
![Thumb image](http://upload.wikimedia.org/wikipedia/commons/thumb/f/fb/Map_of_Iceland_highlands-en.svg/640px-Map_of_Iceland_highlands-en.svg.png)
![Thumb image](http://upload.wikimedia.org/wikipedia/commons/thumb/d/d2/Wading_on_Iceland_%281%29.jpg/640px-Wading_on_Iceland_%281%29.jpg)
![Thumb image](http://upload.wikimedia.org/wikipedia/commons/thumb/3/3d/Islande_Sprengisandur_d%C3%A9sert_%C3%9Ej%C3%B3rs%C3%A1.jpg/640px-Islande_Sprengisandur_d%C3%A9sert_%C3%9Ej%C3%B3rs%C3%A1.jpg)
Hluti hálendisins hefur verið nýttur sem afréttur. Ferðamennska hefur farið þar vaxandi, einkum á sumrin.
Ekki er til eitt algilt svar við því hvert er flatarmál miðhálendis Íslands. Í tengslum við vinnu við gerð svæðisskipulags miðhálendisins var rætt um að skipulagssvæðið væri um 40% af flatarmáli landsins.[1] Samkvæmt Náttúrufræðistofnun Íslands er flatarmálið 42.700 km² [2] Kort hafa verið gerð af Miðhálendinu. [3]
Þjóðleiðir milli landshluta voru eitt sinn á miðhálendinu. Í dag eru ákveðnir fjallvegir um það líkt og Kjölur, Kaldidalur og Sprengisandur. Fimm hæstu fjallvegir á Íslandi eru á miðhálendinu. [4]
Vatnajökulsþjóðgarður nær yfir stóran hluta austursvæðis miðhálendisins.[5]