![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/54/Displaced_Rohingya_people_in_Rakhine_State_%25288280610831%2529_%2528cropped%2529.jpg/640px-Displaced_Rohingya_people_in_Rakhine_State_%25288280610831%2529_%2528cropped%2529.jpg&w=640&q=50)
Róhingjar
From Wikipedia, the free encyclopedia
Róhingjar eru þjóðarbrot sem eru frá Rakín-héraði í vestur-Mjanmar. Róhingjar eru 1,5-2 milljónir talsins og búa nú í aðallega í Bangladess og Mjanmar, en stórir hópar búa nú til að mynda í Sádí-Arabíu og Pakistan. Þeir eru súnní og súfista-múslimar og tungumál þeirra er indóarískt. Það er skylt chittagongísku og bengölsku (sem töluð eru í Bangladess) og því óskylt búrmísku. Sameinuðu þjóðirnar hafa lýst þjóðinni sem einum mest ofsótta minnihlutahópnum í heiminum.
![Thumb image](http://upload.wikimedia.org/wikipedia/commons/thumb/5/54/Displaced_Rohingya_people_in_Rakhine_State_%288280610831%29_%28cropped%29.jpg/640px-Displaced_Rohingya_people_in_Rakhine_State_%288280610831%29_%28cropped%29.jpg)
![Thumb image](http://upload.wikimedia.org/wikipedia/commons/thumb/c/c9/Map_of_Rohingya_people_in_Rakhine_State.png/640px-Map_of_Rohingya_people_in_Rakhine_State.png)
Róhingjar rekja sögu þjóðar sinnar aftur um aldir í Mjanmar en stjórnvöld viðurkenna í dag þá ekki sem eitt þjóðarbrota í landinu og segja þá hafa komið frá Bangladess. Á síðustu áratugum hefur mjanmarski herinn staðið í átökum við þjóðina, þ.e. árin 1978, 1991–1992, 2012, 2015 og 2016–2017. Róhingjar hafa löngum eldað grátt silfur við Rakhína, þjóðarbrot sem er í meirihluta í Rakhine-fylki. Til að mynda skiptist í síðari heimsstyrjöld stuðningur þjóðarbrotanna þannig að Róhingjar studdu Breta en Rakhínar Japani.
Róhingjar búa við skert ferðafrelsi, rétt til menntunar og í stjórnmálaþátttöku í nútíma Mjanmar. Árin 2016-2017 bjuggu um ein milljón Róhingjar í Mjanmar en í lok árs 2017 höfðu yfir 600 þúsund flúið yfir til Bangladess vegna átaka.