![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c6/Dor%25C3%25A9_-_Styx.jpg/640px-Dor%25C3%25A9_-_Styx.jpg&w=640&q=50)
Styx
From Wikipedia, the free encyclopedia
Styx (Styxfljót eða Stígsfljót) (stundum nefnt „hið óttalega eiðsvatn“) er undirheimafljót í grískri goðafræði sem guðirnir vinna eiða sína við þegar mikið liggur við.
![Thumb image](http://upload.wikimedia.org/wikipedia/commons/thumb/c/c6/Dor%C3%A9_-_Styx.jpg/320px-Dor%C3%A9_-_Styx.jpg)
Sjá aðgreiningarsíðuna fyrir yfirlit yfir aðrar merkingar „Styx“
Styx er ein kvísl af Ókeansstraumi, sem rennur niður í undirheima. Í Ódysseifskviðu eru þar talin þrjú fljót önnur: Akkeron, Kokytos (tárafljót) og Pyriflegeþon (eldfljót). Mætast Kokytos og Pyriflegeþon, falla loks í Akkeron og mynda öll óskaplegan dunandi flaum. Síðar hugsuðu menn sér, að Akkeron myndaði takmörk undirheima.