Suður-Ameríkukeppni karla í knattspyrnu 1957
From Wikipedia, the free encyclopedia
Suður-Ameríkukeppni karla í knattspyrnu 1957 var 25. Suður-Ameríkukeppnin í knattspyrnu og var haldin í Líma í Perú dagana 7. mars til 6. apríl. Sjö lið kepptu á mótinu þar sem öll liðin mættust í einfaldri umferð. Argentínumenn urðu meistarar með talsverðum yfirburðum og er sigurliðið talið eitt það besta í sögu argentínsku knattspyrnunnar.
Upplýsingar móts | |
---|---|
Mótshaldari | Perú |
Dagsetningar | 7. mars – 6. apríl |
Lið | 7 |
Leikvangar | 1 |
Sætaröðun | |
Meistarar | ![]() |
Í öðru sæti | ![]() |
Í þriðja sæti | ![]() |
Í fjórða sæti | ![]() |
Tournament statistics | |
Leikir spilaðir | 21 |
Mörk skoruð | 101 (4,81 á leik) |
Markahæsti maður | ![]() ![]() (9 mörk hvor) |
← 1956 1959a → |
Guillermo Stábile var þjálfari argentínska liðsins sem mætti ógnarsterkt til leiks. Liðið hafði á að skipa fimm manna sóknarlínu sem kölluð var Carasucias, sem var vísun í bandarísku glæpamyndina Angels with Dirty Faces með James Cagney. Hana skipuðu þeir Omar Corbatta, Humberto Maschio, Antonio Angelillo, Enrique Sívori og Osvaldo Cruz. Liðið skoraði 24 mörk í fimm fyrstu leikjum sínum, þar á meðal þrjú á móti Brasilíu og átta gegn Kólumbíu. Sigurinn var í höfn fyrir lokaumferðina þar sem Argentínumenn gátu leyft sér að tapa 2:1 fyrir liði heimamanna.
Frammistaðan í Perú fyllti argentínsku þjóðina mikilli bjartsýni á gott gengi á HM í Svíþjóð 1958. Í millitíðinni voru hins vegar þeir Sivori, Maschio og Angelillo keyptir til ítalskra liða og hættu að leika með landsliðinu. Argentína endaði í neðsta sæti síns riðils í Svíþjóð og tapaði m.a. 6:1 fyrir Tékkóslóvakíu.