![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/80/Slavic_europe.svg/langis-640px-Slavic_europe.svg.png&w=640&q=50)
Suðurslavnesk tungumál
From Wikipedia, the free encyclopedia
Suðurslavnesk tungumál er ein þriggja greina slavneskra mála. Mælendur þessara mála eru um 30 milljónir talsins og búa aðallega á Balkanskaganum. Tungumálin eru aðskilin frá hinum (austur- og vestur-) slavnesku málunum af þýsku-, ungversku- og rúmenskumælandi landsvæðum. Fyrsta suðurslavneska málið sem skrifað var niður var fornkirkjuslavneska, sem var mállýska töluð í Þessalóníku á 9. öld.
Staðreyndir strax Ætt ...
Suðurslavnesk tungumál | ||
---|---|---|
Ætt | Indóevrópskt Baltóslavneskt Slavneskt | |
ISO 639-5 | zls | |
![]() | ||
Lönd þar sem suðurslavneskt mál er talað |
Loka
Greinin skiptist í tvær undirflokka: austurflokkinn og vesturflokkinn. Í austurflokknum eru makedónska, búlgarska og fornkirkjuslavneska, en slóvenska, serbneska, króatíska, bosníska og svartfellska tilheyra vesturflokknum. Seinustu fjögur málin eru stundum talin eitt tungumál, og er að nokkru leyti gerður greinarmunur á þeim bara af pólitískum ástæðum.