![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8c/Tenerife_LANDSAT-Canary_Islands.png/640px-Tenerife_LANDSAT-Canary_Islands.png&w=640&q=50)
Tenerífe
From Wikipedia, the free encyclopedia
Tenerífe er stærst og fjölmennust Kanaríeyja sem tilheyra Spáni og liggja við strönd Vestur-Afríku í Atlantshafinu. Tenerífe er jafnframt fjölmennasta eyja Spánar. Höfuðborg eyjarinnar er Santa Cruz de Tenerife. Flatarmál Tenerífe er 2.034 km² og er eyjan í laginu eins og þríhyrningur.
![Thumb image](http://upload.wikimedia.org/wikipedia/commons/thumb/8/8c/Tenerife_LANDSAT-Canary_Islands.png/640px-Tenerife_LANDSAT-Canary_Islands.png)
![Thumb image](http://upload.wikimedia.org/wikipedia/commons/thumb/d/de/Flag_of_Tenerife.svg/640px-Flag_of_Tenerife.svg.png)
![Thumb image](http://upload.wikimedia.org/wikipedia/commons/thumb/a/a2/Teide_von_Nordosten_%28Zuschnitt_1%29.jpg/640px-Teide_von_Nordosten_%28Zuschnitt_1%29.jpg)
![Thumb image](http://upload.wikimedia.org/wikipedia/commons/thumb/a/a0/Playa_de_Las_Teresitas_en_Santa_Cruz.jpg/640px-Playa_de_Las_Teresitas_en_Santa_Cruz.jpg)
Árið 2022 bjuggu 980.000 íbúar á eyjunni. Eyjan er mjög vinsæll áfangastaður ferðamanna. Árlega heimsækja um fimm milljónir ferðamanna eyjuna. Tenerífe er vinsælasta eyjan af Kanaríeyjunum og einn vinsælasti áfangastaður ferðamanna á Spáni.
Á Tenerífe er eldfjallið Teide (3,718 m á hæð) sem er hæsta fjall Spánar og þriðja stærsta eldfjall í heimi. Á norðurhluta Tenerífe er borgin San Cristóbal de La Laguna sem er á heimsminjaskrá UNESCO. Í höfuðborginni er árlega haldin ein stærsta kjötkveðjuhátíð í heimi, á eftir kjötkveðjuhátíðinni í Rio de Janeiro í Brasilíu, kjötkveðjuhátíðin í Santa Cruz de Tenerife.