AEK Aþena

AEK Aþena (Athlitiki Enosi Konstantinopouleos) er grískt knattspyrnulið frá Nea Filadelfiu í Aþenu. Félagið var stofnað áið 1924 í Aþenu af fólki sem hafði flutt frá Istanbúl þá Konstantínópel, stuttu eftir grísk/tyrkneska stríðið, sem í Grikkalandi er nefnt "Η μεγάλη καταστροφή", sem þýðir "stóra katastrófan". AEK Aþena er það félag í Grikklandi, sem hefur unnið flesta meistaratitla, þeir hafa unnið 12 meistaratitla og 15 bikarmeistaratitla. Litir félagsins eru gult og svart. Eiður Smári Guðjohnsen og Arnar Grétarsson léku með liðinu um tíma. Arnar var einnig yfirmaður knattspyrnumála hjá félaginu um tíma.

Αθλητική Ένωσις Κωνσταντινουπόλεως Athlitikí Énosis Konstantinoupόleos (Íþróttasambandið frá Konstantínópel)
Fullt nafn	Αθλητική Ένωσις Κωνσταντινουπόλεως Athlitikí Énosis Konstantinoupόleos (Íþróttasambandið frá Konstantínópel)
Gælunafn/nöfn	Énosis (Sambandið) Kitrinómavri (Þeir gulu og svörtu)
Stytt nafn	AEK
Stofnað	1924
Leikvöllur	Ólympíuleikvangurinn í Aþenu Aþena
Stærð	69.618 sæti
Stjórnarformaður	Evangelos Aslanidis
Knattspyrnustjóri	Manuel Jiménez Jiménez
Deild	Gríska úrvalsdeildin
2022-23	1. sæti
Heimabúningur Útibúningur

Heimavöllur

Heimavöllur AEK Aþenu heitir Nikos Goumas og var byggður árið 1930. Svæðið sem völlurinn var byggður á var upphaflega ætlað til að byggja húsnæði fyrir flóttamenn sem komu úr grísk/tyrkneska stríðinu. Svæðið var síðar útbúið sem æfingasvæði og að lokum var byggður þar leikvangur. AEK Aþena spilaði heimaleiki sína á vellinum til ársins 1999. Núverandi heimavöllur liðsins er kallaður Agia Sophia eða OPAP völlurinn og rúmar um 32 þúsund manns. Byggingu hans lauk árið 2021.

Titlar

AEK Aþena er eitt sigursælusta lið Grikklands. AEK hefur unnið 33 titla; 13 gríska úrvalsdeildartitla, 16 gríska bikartitla, 3 gríska ofurbikara og 1 titil úr neðri deild. Olympiacos og Panathinaikos eru einu liðin með fleiri titla heldur en AEK. Þrátt fyrir að vera ekki sigursælasta liðið á Grikklandi hafa þeir náð bestum árángri grískra liða í Evrópukeppnum UEFA. Liðið náði bestum árangri tímabilið 1968-1969 þegar það komst í 8 liða úrslit Evrópukeppni meistaraliða sem heitir í dag Meistaradeildin.

Innanlandstitlar^[1]

• Gríska úrvalsdeildin: 13

1939, 1940, 1963, 1968, 1971, 1978, 1979, 1989, 1992, 1993, 1994, 2018, 2023

• Gríska bikarkeppnin: 16

1932, 1939, 1949, 1950, 1956, 1964, 1966, 1978, 1983, 1996, 1997, 2000, 2002, 2011, 2016, 2023

• Gríski Ofurbikarinn: 2

1989, 1996^[2]

• Gríski deildarbirkarinn: 1

1990

Alþjóðlegar keppnir

• Úrslit í Balkans Cup (1) : 1967
• Undanúrslit í Evrópukeppni félagsliða (1) : 1977
• Fjórðungsúrslit í Evrópukeppni bikarhafa (2) : 1997, 1998

Stuðningsmenn

Stuðningsmannahópur AEK Aþenu heitir Original 21, stofnaður árið 1982 og er vel þekktur í Evrópu. Stjórnendur AEK hafa jafnan tekið tillit til skoðana Original 21 þegar kemur að ákvarðanatökum er varða liðið.^[3]

Þekktir leikmenn

• Angelos Basinas, Traianos Dellas, Theodoros Zagorakis, Demis Nikolaidis, Michalis Kapsis, Sotiris Kyrgiakos, Sokratis Papastathopoulos, Kostas Katsouranis, Vasilis Tsiartas, Toni Savevski, Thomas Mavros, Mimis Papaiouanou
• Bruno Alves
• Paolo Assuncao, Rivaldo
• Juanfran
• Ignacio Scocco
• Carlos Gamara
• Arnar Grétarsson, Eiður Smári Guðjohnsen
• Perparim Hetemaj
• Frank Klopas
• Simos Krassas, Giorgos Savvidis, Giorgos Tofas, Ioannis Okkas, Panikos Krystallis
• Michel Kreek