Þýska orrustuskipið Bismarck

Þýska orrustuskipið Bismarck var annað af tveimur orrustuskipum af Bismarck-tegund sem byggð voru fyrir þýska sjóherinn í kringum seinni heimstyrjöldina. Bismarck, sem var 50.000 lestir, kennt við járnkanslarann Otto von Bismarck. Kjölurinn var lagður hjá Blohm & Voss skipasmíðastöðinni í Hamborg 1936, en skipið hljóp af stokkunum 1939. Það var tekið í notkun hjá þýska flotanum 24. ágúst 1940. Það sökkti stolti breska flotans, orrustubeitiskipinu HMS Hood, í snarpri sjóorustu vestur af Íslandi 24. maí 1941. Þremur dögum síðar var Bismarck sökkt af Bretum eftir mikinn eltingarleik á Atlantshafi. Fylgdarskip Bismarcks, beitiskipið Prinz Eugen slapp til hafnar í Frakklandi án þess að hafa orðið fyrir skoti.

Bismarck

Skipstjóri:	Ernst Lindemann
Útgerð:	Þýski sjóherinn
Þyngd:	47.100 brúttótonn
Lengd:	241.6 m
Breidd:	36 m
Ristidýpt:	9.3 m
Vélar:
Siglingahraði:	30.01 sjómílur
Tegund:	Orrustuskip
Bygging:	Blohm & Voss skipasmíðastöðin, Hamborg, Þýskalandi

Systurskip Bismarcks, Tirpitz, er stærsta orrustuskip sem smíðað hefur verið í Evrópu, en það tók aldrei þátt í sjóorrustu.^[1]