Blaðgull

Blaðgull er gull sem hefur verið hamrað og rúllað þar til það er aðeins um 0,1 μm á þykkt.^[1] Blaðgull er aðallega notað í gyllingar. Hægt er að fá blaðgull af ýmsum hreinleika og í ýmsum stærðum. Algengast er 22 karata gull, en ætigull sem er notað í mat og drykk (merkt E 175) þarf að vera minnst 23 karöt.^[2] Aðferðin við að gera blaðgull var fundin upp í Egyptalandi hinu forna fyrir um 5000 árum.^[3]

Gullmoli sem er 5 mm í þvermál getur orðið að hálfum fermetra af blaðgulli.