Breiðamerkurjökull

Breiðamerkurjökull er skriðjökull sem gengur niður úr Vatnajökli og Öræfajökli til suðurs og suðausturs og er í suðurhluta Vatnajökulsþjóðgarðs. Jökullinn er kenndur við bæinn Breiðamörk sem fór í eyði vegna framgang hans. Um árið 1890 náði hann næstum í sjó fram en hefur hopað mikið síðan.^[1] Við hop jökulsins myndaðist Jökulsárlón í lægð sem jökullinn hafði mótað með framrás sinni á litlu ísöld. Í ofanverðum jöklinum eru nokkur fjöll eða jökulsker, Þeirra mest eru Esjufjöll.

Breiðamerkurjökull og Esjufjöll.

Breiðamerkurjökull séður úr lofti.

Brotinn jökullinn.

Árið 2017 komu í ljós undan jöklinum leifar af trjástofnum sem bendir til skógur hafi verið á svæðinu fyrir einhverjum þúsundum árum. ^[2]

Tenglar

• Breiðamerkurjökull - Framhlaupin og lónið
• Þróun jökulsins, á ensku^{[óvirkur tengill]}
• Landslagið undir jöklinum, á ensku^{[óvirkur tengill]}