Dýrafjarðargöng

Dýrafjarðargöng eru jarðgöng á milli Arnarfjarðar og Dýrafjarðar á Vestfjörðum sem opnuð voru 2020.^[1] Göngin eru frá Mjólká í Arnarfirði að Dýrafjarðarbrú og eru 5,6 km löng. Sú leið mun stytta Vestfjarðaveg um 27,4 km.^[2] Einnig er þessum jarðgöngum ætlað að leysa af veginn um Hrafnseyrarheiði. Göngin munu liggja frá Dröngum í Dýrafirði að Rauðsstöðum í Borgarfirði (Arnarfirði).

Dýrafjarðargöng árið 2020

Opnað var fyrir tilboð í göngin 24. janúar 2017^[3] og skrifað var undir samning um þremur mánuðum síðar þann 20. apríl.^[4] Fyrsta skóflustunga var síðan tekin um miðjan maí 2017^[5] og var fyrsta jarðgangasprenging gerð 14. september sama ár.^[6]

Göngin voru formlega opnuð 25. október 2020^[7]