Flatormar

Flatormar (fræðiheiti: Platyhelminthes - komið af gríska orðinu πλατύ platy „flatt“ og ἕλμινς helmins „ormur“) er fylking tilölulega einfaldra tvíhliða dýra með mjúkan og óliðskiptan líkama. Flatormar hafa ekki líkamshol (coelom), blóðrásarkerfi eða öndunarfæri, heldur hafa þeir mjóan og/eða flatan líkama sem gerir þeim kleift að stunda efnaskipti í gegnum húðina. Flestir flatormar hafa aðeins eitt op á meltingarveginum. Tæplega 30.000 tegundir flatorma eru þekktar í heimunum.

Flatormar
Teikningar af ýmsum flatormum.
Vísindaleg flokkun
Ríki: Dýraríki (Animalia) Fylking: Platyhelminthes
flokkar
Catenulida Rhabditiphora

Flestir flatormar eru frílifandi eða sníkjudýr sem lifa í sjó, ferskvatni, á landi og á eða í líkömum annarra dýra. Áður fyrr voru flatormar flokkaðir í flokka eftir útliti og lifnaðarháttum þar sem frílifandi flatormar voru í flokknum Turbellaria, einsníkjur í Monogenea, ögður í Digenea og bandormar í Cestoda. Nú skiptast flatormar í tvo flokka; hinn tegundafámenna Catenulida og Rhabditophora sem inniheldur nánast allar þekktar flatormategundir.

Fullorðinn ígulbandormur (Echinococcus granulosus).

  Þessi líffræðigrein er stubbur. Þú getur hjálpað til með því að bæta við greinina.