Forlagið

Forlagið er stærsta bókaforlag á Íslandi.^[1][2] Það gefur út um 150 titla á ári^[3] undir merkjum JPV, Máls og menningar, Vöku-Helgafells, Iðunnar, og Ókeibóka^[4].

Það varð til árið 2007 þegar Mál og menning keypti útgáfuhluta Eddu og sameinaði hann við JPV.^[1] Félagið sameinaðist svo Vegamótum árið 2008.^[5] Mál og menning á helmingshlut í Forlaginu og fer með stjórnarformennsku.^[1]

Árið 2017 var Forlagið með nærri 50% markaðshlutdeild í almennri bókaútgáfu á Íslandi,^[6] fjórum sinnum meira en næststærsti útgefandinn, Bjartur-Veröld.^[6]

Árlegur hagnaður er um 50 milljónir.^[1]