G.E. Moore

George Edward Moore, venjulega þekktur sem G.E. Moore, (4. nóvember 1873 – 24. október 1958) var áhrifamikill enskur heimspekingur sem var menntaður og kenndi síðar við Cambridge-háskóla. Hann var, ásamt Bertrand Russell, Ludwig Wittgenstein og (á undan þeim) Gottlob Frege, einn af upphafsmönnum rökgreiningarheimspekinnar.

George Edward Moore
G. E. Moore (1914)
Persónulegar upplýsingar
Fæddur	4. nóvember 1873
Svæði	Vestræn heimspeki
Tímabil	Heimspeki 19. aldar/ Heimspeki 20. aldar
Skóli/hefð	Rökgreiningarheimspeki
Helstu ritverk	Lögmál siðfræðinnar
Helstu kenningar	Lögmál siðfræðinnar
Helstu viðfangsefni	siðfræði, þekkingarfræði, málspeki

Moore er þekktastur fyrir vörn sína fyrir heilbrigðri skynsemi, fyrir siðfræði sína, og fyrir þverstæðu sem nefnd er eftir honum. Margir heimspekingar dáðust að honum og hann hafði þónokkur áhrif en er nú á dögum lítt þekktur utan fræðilegrar heimspeki. Ritgerðir Moores eru rómaðar fyrir skýrleika. Meðal frægustu rita hans eru bókin Lögmál siðfræðinnar (Principia Ethica) og ritgerðirnar „Afsönnun hughyggjunnar“ („The Refutation of Idealism“), „Til varnar heilbrigðri skynsemi“ („A Defence of Common Sense“) og „Sönnun á tilvist hins ytra heims“ („A Proof of the External World“).

G.E. Moore lést 24. október 1958. Skáldið Nicholas Moore og tónskáldið Timothy Moore voru synir hans. Moore var mikilvægur meðlimur í leynisamtökunum Cambridge-postulunum.

Heimild

• Fyrirmynd greinarinnar var „George Edward Moore“ á ensku útgáfu Wikipedia. Sótt 12. maí 2006.

Frekari fróðleikur

• Levy, Paul, Moore: G.E. Moore and the Cambridge Apostles (1979).

Tenglar

• Stanford Encyclopedia of Philosophy: „G.E. Moore“
• Stanford Encyclopedia of Philosophy: „G.E. Moore's Moral Philosophy“
• The Internet Encyclopedia of Philosophy: „G.E. Moore“

Tengt efni

• Heimspeki heilbrigðrar skynsemi
• Bertrand Russell