Geit

Geit (fræðiheiti: Capra aegagrus hircus eða Capra hircus) er algengt húsdýr, undirtegund villigeitar sem lifir í Suðvestur-Asíu og Austur-Evrópu. Geitur eru eitt af elstu húsdýrunum og talið að þær hafi verið tamdar fyrir um tíu þúsund árum í Sagrosfjöllum Íran. Af þeim eru nýtt mjólk, kjöt, ull og skinn. Geitamjólk er auðmeltari en kúamjólk.

Sjá greinina geitur fyrir upplýsingar um aðrar geitartegundir.

Geit
Ástand stofns
Húsdýr
Vísindaleg flokkun
Ríki: Dýraríki (Animalia) Fylking: Seildýr (Chordata) Flokkur: Spendýr (Mammalia) Ættbálkur: Klaufdýr (Artiodactyla) Ætt: Slíðurhyrningar (Bovidae) Undirætt: Geitfé (Caprinae) Ættkvísl: Geitur (Capra) Tegund: Villigeit (C. aegagrus) Undirtegundir: C. a. hircus
Þrínefni
Capra aegagrus hircus (Linnaeus, 1758)

Karldýr geitar heitir hafur, kvendýrið huðna og afkvæmin kiðlingar.

„Landnámsgeitin“

Mynd af hafri með hökutopp, sem á geitum nefnist skegg.

Íslenski geitarstofninn hefur verið fluttur til landsins við landnám og verið einangraður í landinu í yfir þúsund ár. Geitur virðast alla tíð hafa verið fáar á landinu. Eftir að talning hófst hefur stofninn farið niður í nokkra tugi dýra, þannig að ætla má að skyldleiki sé mikill. Hins vegar virðist hann hafa meira viðnám en ætla mætti við jafnmikinn skyldleika sem gefur tilefni til að ætla að fjölbreytileiki hafi varðveist milli lítilla einangraðra hjarða. Núverandi stofn telur um 3000 dýr.

Tengt efni

• Íslenska geitin

Heimildir

• Stefán Aðalsteinsson et al., „Skyldleikarækt í íslenskum geitum“ Geymt 28 september 2007 í Wayback Machine
• https://www.ruv.is/frett/2021/03/02/segir-umsogn-matvaelasjods-lysa-fadaema-fordomum

  Þessi líffræðigrein er stubbur. Þú getur hjálpað til með því að bæta við greinina.