Grafönd

Grafönd (fræðiheiti Anas acuta) er fugl af andaætt sem verpir í norðursvæðum Evrópu, Asíu og Norður-Ameríku. Grafönd er stór buslönd. Hún er farfugl og vetrarstöðvar ná allt til miðbaugs. Bæði kyn hafa blágráa gogga og gráa leggi og fætur. Karlfuglinn er meira áberandi og hefur þunna hvíta rák sem liggur niður aftan af súkkulaðibrúnu höfði niður hálsinn. Karlfuglinn hefur falleg grá, brún og svört mynstur á baki og hliðum. Kvenfuglinn er í minna áberandi fjaðurbúnaði. Kvenfuglar kvaka en karlfuglar flauta og blístra.

Grafandarpar á varptíma

Anas acuta

Anas acuta

Grafönd
Karlfugl og kvenfugl Kallⓘ
Ástand stofns
Ekki í útrýmingarhættu
Vísindaleg flokkun
Ríki: Dýraríki (Animalia) Fylking: Seildýr (Chordata) Flokkur: Fuglar (Aves) Ættbálkur: Gásfuglar (Anseriformes) Ætt: Andaætt (Anatidae) Undirætt: Eiginlegar endur (Anatinae) Ættkvísl: Anas Tegund: A. acuta
Tvínefni
Anas acuta Linnaeus, 1758
Samheiti
Dafila acuta