Langjökull

64°45′00″N 19°58′59″V

Gervitunglamynd af Langjökli.

Nærmynd af Langjökli tekin frá Kaldadal.

Kort af Langjökli og helstu fjöllum og skriðjöklum

Langjökull er annar stærsti jökull Íslands, um 950 km² að stærð og hæsti punktur hans í 1.355 m hæð. Jökullinn er vestan við Hofsjökul á miðhálendi Íslands. Er hann talinn þekja tvær eldstöðvar. Hallmundarhraun rann um árið 900 frá eldvörpum við norðvesturbrún Langjökuls og alla leið til byggða í Hvítársíðu eða um 50 kílómetra leið.

Austan undir jöklinum er jökullónið Hvítárvatn en það er upphaf Hvítár.

Jarðskjálftar

Jarðskjálftavirkni er í jöklinum og hafa nýlegir stórir skjálftar verið 4 að stærð 2015 og 4,6 árið 2022. ^[1]

Nálægir staðir

• Hraunfossar , Surtshellir , Víðgelmir , Reykholt í Borgarfirði , Barnafoss .