Litli prinsinn

Litli prinsinn (franska: Le Petit Prince) er bók eftir franska flugmanninn Antoine de Saint-Exupéry sem kom út árið 1943. Bókin hefur verið þýdd á fleiri en 500 tungumál, og er mest þýdda bókin á eftir bíblíunni, og hefur selst í yfir 80 milljónum eintaka. Hún kom út á íslensku árið 1961 í þýðingu Þórarins Björnssonar.

Litli prinsinn

Höfundur	Antoine de Saint-Exupéry
Upprunalegur titill	Le Petit Prince
Þýðandi	Þórarinn Björnsson (1961)
Land	Frakkland
Tungumál	Franska
Útgefandi	Éditions Gallimard
Útgáfudagur	1943; fyrir 82 árum (1943) (í Bandaríkjunum) 1945; fyrir 80 árum (1945) (í Frakklandi)
ISBN	ISBN 9789979331100

Sagan segir frá Iitlum prinsi sem sögumaður hittir. Litli prinsinn á sér þá mikilvægu lífsreglu, að svara ekki spurningum eða gefa skýringar, hann spyr í sífellu og hann þráast við að spyrja þar til hann fær svar sem hann er ánægður með. Hann ferðast um himingeiminn, og alls staðar hittir hann fyrir einhvern eða eitthvað sem vert er að kynnast nánar. Hann hittir konung, monthana, drykkjumann, kaupsýslumann, landkönnuð og ljósamann, og loks kemur hann til jarðarinnar. Hann dáir sólsetur, blóm og fiðrildi, hann kynnist eyðimörkinni, bergmálinu og fjallatindunum, en allan tímann er hann að leita að blóminu sem hann yfirgaf til að fara að kanna heiminn.

Tengt efni

• Listi Le Monde yfir 100 minnisstæðustu bækur aldarinnar

Tenglar

• „Talnafíkn fullorðinna“; grein í Morgunblaðinu 1996

erlendir

• Litli prinsinn á 160 tungumálum
• Litli prinsinn á 100 tungumálum með hljóðsýnishornum

  Þessi bókmenntagrein sem tengist Frakklandi er stubbur. Þú getur hjálpað til með því að bæta við greinina.