Malakkaskagi

Malakkaskagi er langur skagi í Suðaustur-Asíu og syðsti punktur meginlands Asíu. Mjótt sund, Malakkasund, skilur suðurhluta skagans frá eyjunni Súmötru. Í austurátt, hinum megin við Suður-Kínahaf, er eyjan Borneó. Malakkaskagi er grennstur við Kraeiðið, þar sem einungis 44 km skilja Andamanhaf frá Taílandsflóa.

Skaginn skiptist milli eftirfarandi landa:

• Norðvesturhlutinn er syðsti hluti Mjanmar.
• Miðhlutinn er suðurhluti Taílands.
• Syðsti hluti skagans er hluti Malasíu og er kallaður Vestur-Malasía.
• Við suðurenda skagans er eyjan Singapúr.