Norðurhvel

Norðurhvel er sá helmingur yfirborðs jarðar, sem er norðan miðbaugs. Norðurheimsskautið er sá punktur norðurhvels sem er liggur fjærst miðbaug og er nyrsti punktur hnattarins. Norður- og suðurhvel til samans þekja allt yfirborð jarðar. Fyrir aðrar reikistjörnur sólkerfisins miðast norðurhvel þeirra við fastasléttu sólkerfisins þar sem sá helmingur sem er sömu megin og norðurhvel jarðar telst norðurhvel þeirrar reikistjörnu.^[1]

Norðurhvel jarðar með norðurpólinn í miðju.

60,7% af yfirborði norðurhvelsins eru sjór, miðað við 80,9% af suðurhvelinu, og 67,3% af þurrlendi jarðar eru á norðurhvelinu.^[2] Heimsálfurnar Norður-Ameríka og meginlandshluti Evrasíu eru alfarið á norðurhveli, auk 2/3 hluta Afríku og hluta Suður-Ameríku.