Smáskilaboð

Smáskilaboð (enska: Short Message Service, skammstafað SMS) eru textaskilaboð sem hægt er að senda frá farsímum og öðrum smátækjum. Textaskilaboð byggja á samskiptareglum sem virka á farsímakerfum.

Textaskilaboð móttekin á Motorola Razr-farsíma.

SMS-þjónustan var þróuð sem hluti af GSM-staðlinum fyrir stafræn farsímakerfi árið 1993. Hún var upphaflega hugsuð fyrir tilkynningar frá þjónustuaðila farsímanetsins.^[1] Hægt er að senda 160 stafi með 7-bita stafamengi, eða færri stafi ef stærri stafamengi eru notuð.