Skrautreynir

Skrautreynir (Sorbus decora) ,^[1] er lauffellandi runni eða smávaxið tré frá norðaustur Norður Ameríku. Hann verður 4-10 metra hár. Útbreiðsla er í Labrador til Ontario og Manitoba, suður til Nýja-Englands, New York, Wisconsin og Minnesota.

Skrautreynir
Skrautreynir í Lystigarðinum á Akureyri
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Tvíkímblöðungar (Magnoliopsida) Ættbálkur: Rósaættbálkur (Rosales) Ætt: Rósaætt (Rosaceae) Undirætt: Reynisætt (Maloideae) Ættkvísl: Reyniviður (Sorbus) Undirættkvísl: Sorbus Tegund: S. decora
Tvínefni
Sorbus decora C.K.Schneid.
Útbreiðsla Skrautreynis
Samheiti
Pyrus decora (Sarg.) Hyl. Pyrus americana var. decora Sarg.

Lýsing

Skrautreynir er nauðalíkur hinum náskylda knappareyni (Sorbus americana). Eins og knappareynir, er skrautreynir með samsett laufblöð og oft stóra klasa af blómum og síðar berjum. Hinsvegar er eitt sem einkennir skrautreyni: klístruð brum.^[2] Börkurinn er fyrst grágrænn og sléttur. Seinna verður hann hrein grár og verður flögóttur með aldrinum.

Nytjar

Skrautreynir er oft ræktaður sem skrauttré vegna harðgeris, blómfegurðar, haustlitar og stórra klasa berja.

Ný tegund

Grænlandsreynir (Sorbus groenlandica) hefur áður verið talinn undirtegund skrautreynis, undir nafninu Sorbus decora var. groenlandica, en er nú talinn sem sjálfstæð tegund.^[3]