Strætisvagnar Akureyrar

Strætisvagnar Akureyrar (skammstafað SVA) er fyrirtæki sem sér um almenningssamgöngur á Akureyri fyrir hönd Akureyrarbæjar. Fyrirtækið var stofnað sem hlutafélag með styrk frá bæjarsjóði árið 1956.

Strætisvagn frá SVA á leið 1.

Frá og með 2007 voru ferðir með vögnunum gerðar gjaldfrjálsar. Í frétt á mbl.is kom fram að farþegum hafi fjölgað um rúm 60% eftir þetta, eða úr 640 í þriðju viku ársins 2006 í að meðaltali 1020 um sama leyti 2007.^[1]

Leiðakerfið samanstendur af sex leiðum sem aka á virkum dögum á klukkustundar fresti.^[2] Klukkan 7:40 ekur aukaferð á leið 6 yfir vetrartímann.^[3]