Talnaborð

Talnaborð er borð með fjölda takka sem notað er sem inntakstæki. Á tökkunum eru yfirleitt tölustafir, bókstafir og tákn. Talnaborð má finna á reiknivélum, símum og eldri farsímum, talnalásum og hurðalásum. Á mörgum tölvulyklaborðum eru talnaborð hægra megin notuð til innsláttar tölustafa.

Talnaborð á heimasími

Skipan talnanna er misjöfn eftir notkun. Á flestum símum eru tölurnar 123 í efstu röðinni en á flestum reiknivélum og lyklaborðum eru þessar tölur neðst. Talnaborð í símum eru einnig með önnur tákn, t.d. * (stjörnumerki) og # (tvíkross), báðum megin við núllið. Á símum eru bókstafir oft fyrir ofan tölurnar, en þeir eru notaðir til að stafa orð eða sem áminning á símanúmerum. Á reiknivélum er einnig að finna grunnreikniaðgerðirnar fjórar ásamt tugabrotskommu og tökkum fyrir flóknari útreikning.

  Þessi tæknigrein er stubbur. Þú getur hjálpað til með því að bæta við greinina.