Tamaulipas

Tamaulipas er fylki í norðaustur-Mexíkó. Það er 80.249 km2 að stærð og eru íbúar um 3,5 milljónir (2020). Ciudad Victoria heitir höfuðborgin. Aðrar stærri borgir eru Reynosa, Matamoros, Nuevo Laredo, Tampico og Mante.

Ríó Bravo einnig þekkt sem Rio Grande myndar landamæri fylkisins að Texas, Bandaríkjunum. Í vesturhluta Tamaulipas liggur fjallgarðurinn Sierra Madre Oriental. Hæsti punktur er 3.280 metrar.